"നീ എന്റെ ഒരു സായാഹ്നം മദ്യത്തില് മുക്കി നശിപ്പിച്ചു...ഇനി അത് ചെയ്യരുത് "
കുറച്ചു ദിവസം മുന്പ് അവളെന്നോട് പറഞ്ഞു...
ഇന്നലത്തെ എന്റെ സായാഹ്നം അവളോടൊപ്പം ആയിരുന്നു..
അക്കേഷ്യ മരങ്ങളുടെ നിഴലിനു നീളം വെയ്ക്കുന്നതും
അവയ്ക്കിടയില് ഇരുള് പരക്കുന്നതും
ഞങ്ങള് ഒരുമിച്ചിരുന്നു കണ്ടു...
മരങ്ങള്ക്കിടയിലൂടെ പോയ
മറ്റു പെണ്കുട്ടികളെ ഞാന് ശ്രദ്ധിച്ചപ്പോള്
അവളുടെ മുഖത്തെ അനിഷ്ടം പ്രകടമായിരുന്നു..
തിരികെ തണുത്ത കാറ്റേറ്റ് യാത്രയാകുമ്പോള്
അവള്ക്ക് ഞാനൊരു സന്ദേശം അയച്ചു ...
"ഇന്നത്തെ എന്റെ സായാഹ്നം അവിസ്മരണീയമാക്കിയതിനു നന്ദി" .
മറുപടി "സ്വാഗതം " കൂടെ ഒരു പുഞ്ചിരി ( :) ) യും....
"ഈ സ്വാഗതം നാളത്തെ സായാഹ്നത്തിലെയ്ക്ക് ആണോ ? അതോ വരുന്ന എല്ലാ സായഹ്നങ്ങളിലെയ്ക്കും?? ജീവിത സായാഹ്നം വരേയ്ക്കും???"
അവളുടെ മറുപടി മൌനമായിരുന്നു ....
മഞ്ഞുകട്ടയെക്കാള് തണുപ്പുള്ള
മരണത്തെക്കാള് മരവിച്ച മൌനം........
Athenthina pranayathinu maranathinekkal maravicha mounam?
ReplyDeleteഅറീല :)
Delete